Shumë njerëz e përdorin vajin e kokosit për përfitimet e tij shëndetësore, duke përfshirë vetitë antimikrobike dhe antioksidante, përmirësimin e lëkurës dhe shëndetit oral.
Ja tek janë disa nga përfitimet më kryesore të tij:
1. Ndihmon në humbjen e peshës
Vaji i kokosit përmban një lloj yndyre të ngopur të quajtur MCT.
Studiuesit kanë zbuluar se konsumimi i kësaj yndyre, mund të rrisë numrin e kalorive që digjni dhe rrjedhimisht të stimulojë humbjen e peshës.
2. Burim i mirë energjie
MCT-të e pranishme në këtë vaj kanë edhe veti të tjera. Ato shërbejnë si një burim i mirë energjie, duke bërë që trupi juaj t’i absorbojë dhe t’i përdorë më shpejt se llojet e tjera të yndyrave të ngopura.
3. Përmirëson lëkurën
Vaji i kokosit ka shumë përdorime që kanë pak të bëjnë me të ngrënit. Shumë njerëz e përdorin atë për qëllime kozmetike për të përmirësuar shëndetin dhe pamjen e lëkurës së tyre.
Studimet tregojnë se vaji i kokosit mund të rrisë përmbajtjen e lagështisë së lëkurës së thatë. Mund të përmirësojë gjithashtu funksionin e lëkurës, duke ndihmuar në parandalimin e humbjes së tepërt të ujit dhe duke ju mbrojtur nga faktorët e jashtëm, si agjentët infektivë, kimikatet dhe alergjenët.
4. Mbron flokët
Vaji i kokosit gjithashtu mund të mbrojë kundër dëmtimit të flokëve.
Duke qenë se vaji i kokosit depërton thellë fijet e flokëve, i bën ato më fleksibël dhe rrit forcën e tyre për të parandaluar thyerjen e tyre.
5. Përmirëson shëndetin oral
Një studim i vitit 2020 zbuloi se përdorimi i vajit të kokosit si një shpëlarës goje përmirëson higjienën orale.
Tërheqja e vajit përfshin hedhjen e vajit të kokosit në gojë si një shpëlarje goje. Kështu mund të zvogëlojë ndjeshëm numrin e baktereve të dëmshme në gojë.
Kjo mendohet të jetë për shkak të vetive antibakteriale të acidit laurik, që është prezent tek ky vaj.
Vaji i kokosit ka një sërë përfitimesh për shëndetin tuaj, si kur e shtoni atë në dietën tuaj, ashtu edhe kur e përdorni për qëllime kozmetike!
