Hipertensioni, ose tensioni i lartë i gjakut, është faktori më i zakonshëm i rrezikut për sëmundjet e zemrës.
Medikamentet përdoren zakonisht për të ulur nivelet e presionit të gjakut. Megjithatë, ndryshimet në stilin e jetës, mund të ndihmojnë në uljen e niveleve të tensionit të gjakut në nivelet optimale dhe zvogëlojnë rrezikun e sëmundjeve të zemrës.
Ndjekja e një diete ushqyese dhe të shëndetshme për zemrën sugjerohet për të gjithë njerëzit me tension të lartë të gjakut.
Një dietë e shëndetshme është thelbësore për uljen e tensionit të gjakut dhe ruajtjen e niveleve optimale.
Ja cilat janë ushqimet më të mira për tensionin e lartë të gjakut:
Agrumet
Agrumet, duke përfshirë qitron, portokallin dhe limonin, mund të kenë efekte të fuqishme në uljen e tensionit të gjakut. Ato janë të ngarkuara me vitamina, minerale që mund të ndihmojnë në mbajtjen e zemrës tuaj të shëndetshme.
Studimet kanë treguar gjithashtu se pirja e lëngut të portokallit dhe qitros mund të ndihmojë në uljen e tensionit të gjakut.
Salmoni dhe peshqit e yndyrshëm
Peshku i yndyrshëm është një burim i shkëlqyer i yndyrnave omega-3, të cilat kanë përfitime të rëndësishme për shëndetin e zemrës. Këto yndyrna mund të ndihmojnë në uljen e niveleve të tensionit të gjakut duke reduktuar inflamacionin.
Hulumtimet kanë lidhur konsumimin më të lartë të peshkut yndyror të pasur me omega-3 me uljen e niveleve të tensionit të gjakut.
Farat e kungullit
Farat e kungullit mund të jenë të vogla, por ato janë kyçe kur bëhet fjalë për ushqimin.
Ato janë një burim i përqendruar i lëndëve ushqyese të rëndësishëm për kontrollin e tensionit të gjakut. Ato përfshijnë magnezin, kaliumin dhe argininën, një aminoacid i cili është thelbësor për relaksimin e enëve të gjakut dhe uljen e tensionit të gjakut.
Vaji i farave të kungullit është treguar gjithashtu të jetë një ilaç i fuqishëm natyror për tensionin e lartë të gjakut.
Stikat
Stikat janë shumë ushqyese dhe konsumimi i tyre është i lidhur me nivele të shëndetshme të tensionit të gjakut. Ato janë të larta në një numër të lëndëve ushqyese thelbësore për shëndetin e zemrës dhe rregullimin e tensionit të gjakut, duke përfshirë kaliumin.
Karotat
Karotat e ëmbla dhe ushqyese janë një perime kryesore në dietat e shumë njerëzve. Ato janë të larta në përbërje fenolike, të tilla si acidet klorogjenike. Këto ndihmojnë në relaksimin e enëve të gjakut dhe reduktojnë inflamacionin.
Edhe pse karotat mund të shijohen të gatuara ose të papërpunuara, ngrënia e tyre të papërpunuara mund të jetë më e dobishme për uljen e tensionit të lartë të gjakut.
Domatet
Domatet dhe produktet e domates janë të pasura me shumë lëndë ushqyese, duke përfshirë kaliumin dhe pigmentin karotenoid likopen.
Likopeni është lidhur në mënyrë të konsiderueshme me efekte të dobishme në shëndetin e zemrës. Ngrënia e ushqimeve të pasura me këtë lëndë ushqyese, siç janë produktet e domates, mund të ndihmojë në reduktimin e faktorëve të rrezikut të sëmundjeve të zemrës si tensioni i lartë i gjakut.
Brokoli
Brokoli është i njohur për efektet e tij të shumta të dobishme në shëndet, duke përfshirë shëndetin e sistemit tuaj të qarkullimit të gjakut. Për shembull, shtimi i kësaj perime në dietën tuaj mund të jetë një mënyrë e zgjuar për të ulur tensionin e gjakut.
Brokoli është i ngarkuar me antioksidantë flavonoid, të cilët mund të ndihmojnë në uljen e presionit të gjakut duke përmirësuar funksionin e enëve të gjakut.
Spinaqi
Spinaqi është i pasur me nitrate. Është gjithashtu i ngarkuar me antioksidantë, kalium, kalcium dhe magnez, duke e bërë atë një zgjedhje të shkëlqyer për njerëzit me tension të lartë të gjakut.
Supa me spinaq ul gjithashtu ngurtësimin e arterieve, gjë që mund të ndihmojë në uljen e tensionit të gjakut dhe përmirësimin e shëndetit të zemrës.
Si përfundim:
Së bashku me modifikimet e tjera të stilit të jetesës, adoptimi i një diete të shëndetshme mund të ulë ndjeshëm nivelet e tensionit të gjakut dhe të ndihmojë në uljen e rrezikut të sëmundjeve të zemrës.
Shtimi i ushqimeve të caktuara si zarzavatet me gjethe, manaferrat, fasulet, thjerrëzat, peshku yndyror, agrumet dhe karotat në vaktet dhe ushqimet tuaja, mund t’ju ndihmojnë të arrini dhe mbani nivele optimale të tensionit të gjakut.
Nëse keni nivele të larta të tensionit të gjakut, shtimi i disa ushqimeve të listuara në këtë artikull në dietën tuaj mund t’ju ndihmojë.
