Angjinaret janë të pasura me fibra, antioksidantë dhe lëndë të tjera ushqyese. Ato gjithashtu mund të përmirësojnë shëndetin e zemrës, të mëlçisë dhe tretjen.
Kjo bimë e ka origjinën në Mesdhe dhe është përdorur për shekuj me radhë për vetitë e saj medicinale.
Ja tek janë disa nga përfitimet kryesore shëndetësore të saj:
1. E pasur me lëndë ushqyese
Angjinaret janë të pasura me fibra, vitamina, minerale dhe antioksidantë. Veçanërisht në sasi të lartë kanë vitaminën C.
Ndërkaq përmbajnë edhe shumë: proteina, fibra, magnez, vitaminë B6 etj.
2. Përmirëson nivelet e kolesterolit
Ekstrakti i gjetheve të angjinares mund të ketë një efekt pozitiv në nivelet e kolesterolit.
Një studim tregoi se ajo mund të zvogëlojë ndjeshëm nivelet e triglicerideve, kolesterolit total dhe kolesterolit LDL.
3. Redukton presionin e gjakut
Ekstrakti i angjinares mund të ndihmojë njerëzit me presion të lartë të gjakut.
Në fakt, disa studime kanë gjetur se ajo mund të zvogëlojë ndjeshëm presionin e gjakut sistolik dhe diastolik tek njerëzit me presion të lartë të gjakut.
Përveç kësaj, angjinaret janë një burim i mirë i kaliumit, i cili ndihmon në këtë proces.
4. Përmirëson mëlçinë
Ekstrakti i gjetheve të angjinares mund të mbrojë mëlçinë tuaj nga dëmtimi dhe të nxisë krijimin e indeve të reja.
5. Rregullon sheqerin në gjak
Angjinarja mund të ndihmojë në uljen e niveleve të sheqerit në gjak.
Në një studim të bërë, u pa se përdorimi i saj përmirësoi kontrollin e sheqerit në gjak dhe disa aspekte të tjera të shëndetit metabolik, të tilla si nivelet e kolesterolit dhe perimetri i belit, pas 8 javësh.
6. Përmirëson tretjen
Angjinarja është një burim mjaft i mirë i fibrave, të cilat mund të ndihmojnë në mbajtjen e sistemit tuaj të tretjes të shëndetshëm, duke reduktuar rrezikun e disa llojeve të kancerit të zorrëve dhe duke lehtësuar kapsllëkun dhe diarrenë.
Sipas disa studimeve, ekstrakti i angjinares mund të sigurojë gjithashtu lehtësim nga simptomat e dispepsisë, të tilla si fryrje dhe urth.
Pra dukshëm, angjinarja është një bimë me pak karbohidrate e cila ofron përfitime të shumta shëndetësore.
Thënë kjo, konsumimi i rregullt i saj mund të mbajë nën kontroll nivelet e kolesterolit, presionin e gjakut, shëndetin e mëlçisë dhe nivelet e sheqerit në gjak.
